Goditet një tjetër rast i mosdeklarimit të shumave të konsiderueshme të parave, në pikën e kalimit kufitare Morinë.
Një 37-vjeçar me inicialet A.L tentoi të fuste ilegalisht në vendin tonë, 32 450 euro dhe 140 000 lekë.
Gjatë kontrollit fizik dhe kontrollit të ushtruar nga Policia Kufitare e Morinës në çantën e këtij shtetasi, gjetën shumat e konsiderueshme, që 37 vjeçari po tentonte t’i fuste në vendin tonë, pa i deklaruar konform ligjeve në fuqi.
Në cilësinë e provës materiale shuma e parave u sekuestrua dhe materialet procedurale i kaluan Prokurorisë pranë Gjykatës së Shkallës së Parë të Kukësit, për veprime të mëtejshme.
