4 automjete janë përfshirë nga flakët si pasojë e një zjarri në lagjen “ Apolonia” në qytetin e Fierit. Ngjarja ka ndodhur në orët e para të mëngjesit të sotëm, ndërkohë që tre prej tyre janë shkrumbuar totalisht dhe një tjetër është dëmtuar pjesërisht nga flakët.
Sapo u mor njoftimi mjetet zjarrfikëse kanë shkuar menjëherë në vendngjarje ku përveç automjeteve të parkuara të përfshira nga flakët janë rrezikuar edhe banesat pranë. Menjëherë u bë i mundur izolimi i zjarrit për të mos u përhapur edhe te mjetet e tjera ndërkohë qe nga ana e policisë po kryhen veprimet për të zbardhur ngjarjen.
Nuk dihet ende nëse zjarri ka qenë aksidental si pasojë e ndonjë defekti teknik në një nga automjetet e parkuara apo ka qenë i qëllimshëm. Këqyrja e kamerave në zonë pritet të hedh me shumë dritë mbi shkaqet e djegies së automjeteve.
Rreth orës 03:20, në lagjen “Apollonia”, Fier, automjeti tip “Benz”, në pronësi të shtetasit N. B., i parkuar,
dyshohet për shkaqe elektrike, ka marrë flakë.
Si pasojë është djegur edhe automjeti tip “Nissan” në pronësi të shtetasit M. B., automjeti tip “Volkswagen”, në përdorim nga shtetasi A. P. dhe është djegur pjesërisht automjeti tip “Volkswagen” në pronësi të shtetasit M. Gj., të cilat ishin parkuar afër këtij automjeti.
Grupi hetimor po punon për sqarimin e rrethanave të ngjarjes.
