Një arsel armësh është sekuestruar në Fier, në kuadër të operacionit “Risku”.
Si pasojë ra në pranga një 30-vjeçar, të cilit më herët Policia i gjeti dhe sekuestroi 2 armë zjarri pistoleta dhe municion luftarak.
Arsenali i armëve përfshin: 1 mitraloz të lehtë me fishekë në fole; 20 krehra armësh zjarri pistoletë, të ndryshme; 1 krëhër automatiku; 2 bomba dore (granata difensive); 1 sasi të madhe municioni të kalibrave të ndryshëm; 1 sasi fishekësh pistolete, të prodhuar në mënyrë artizanale; 1 pistoletë gjurmëlënëse; 2 radio si të Policisë; 3 krehra disk për mitralozë të lehtë; 5 celularë; 1 GPS.
Në bazë të informacioneve të siguruara nga inteligjenca policore, shërbimet e Policisë zbuluan vendin në të cilin 30-vjeçari i arrestuar gjatë operacionit të koduar “Risku”, kishte fshehur një arsenal tjetër armësh.
Materialet procedurale shtesë i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
